“Naxış Atelier” Novruz Naxışı dəfiləsi

19 mart tarixində Port Baku Mall-da Novruz bayramına həsr olunmuş yaz festivalı çərçivəsində “Naxış Atelier”nin yazın gəlişini təcəssüm etdirən kolleksiyasının nümayişi baş tutdu. Bu kolleksiyanı dəyərləndirməyə və cazibədar geyimlərdən zövq almağa estrada və televiziyamızın ulduzları, bloqerlər və tanınmış insanlar təşrif buyurmuşdu.

Qonaqları salamlayaraq “Naxış Atelier”nin dizayneri Səmra Axundova atelyenin Mall-un ərazisində keçirilən Novruz festivalına həsr olunmuş regionlarımıza, Azərbaycanın dilbər güşələrinin ənənlərini, ustaların əl işlərini nümayiş etdirən stendlərin yanında duran qızların milli geyimləri üzərində iş barədə danışdı. Səmra xanım regionlarımızın zəngin milli dəyərlərini əks etdirən məhz bu kostyumların üzərində aparılan iş zamanı yeni kolleksiyanın yaradılması qərarına gəldiklərini dedi və həmin gün kolleksiyanın bir hissəsi tamaşaçıların ixtiyarına verildi.Yazda çiçək açan ağacların yarpaqlarını xatırladan gözəl parçalar, hərəsi peşəkar ustaların əl işi olan ecaskar dekorlar Azərbaycanımızın zəngin və çoxşahəli mədəniyyətini əks etdirir. Bu gözəl obrazlara zərif makiyaj və qeyri- adi saç düzümü edən “Chic&Chic” salonu bu təmtəraqlı dəb nümayişinə böyük dəstək göstərdi. “Novruz Naxışı” çərçivəsində qonaqlar rəssam Emil Əzizin “Colorful Life” sərgisində nümayiş olunan əl işləri ilə də tanış ola bildilər.

Latest news

10 iyun 2021-ci il tarixindən etibarən Port Baku Mall ticarət mərkəzinin öz fəaliyyətini əvvəlki iş saatlarına uyğun şəkildə bərpa edəcəyini böyük məmnuniyyətlə elan etmək istəyirik!
READ MORE
İşgüzar və əyləncəli görüşlərin ən sevilən məkanlarından biri olan Starbucks yeni və sərin yay içkilərini təqdim edir!
READ MORE
Dünyanın ən qabaqcıl idman geyim markalarından biri olan Adidas ikonik tərzini ən həyəcan verici moda dizaynerlərindən biri olan Stella McCartney fərqi ilə birləşdirir.
READ MORE
30-31 Dekabr və 1-2 Yanvar tarixlərində Port Baku Mall-a gələrək əsl xoşbəxt anlar yaşaya bilərsiniz.
READ MORE