"Qızlar bulaq başında" sərgisi!

Azərbaycanda dulusçuluq ən qədim sənət növüdür və bu gün hətta bəşər mədəniyyəti inciləri sırasına qəbul edilib. Maraqlıdır ki, bu sənətlə əvvəllər qadınlar məşğul olublar. Dulusçuluq sənəti nümunələrinin "xəmiri" torpaqdan yoğrulur. 

Həmin dövrlərdə isə kişilər torpaqdan "xəmir yoğurmaq" kimi əl əməyi ilə məşğul olmurdular. Gildən qab-qacaq düzəltmək kimi ağır işlərin qadınlar tərəfindən görülməsi o dövrlər üçün adi hal sayılırdı. Odur ki, Port Baku Mall-da Novruz bayramına həsr olunmuş tədbirlər çərçivəsində ticarət mərkəzinin bütün mərtəbələri saxsı səhənglərlə bəzədilib. Və bütün bu səhənglər qadın rəssamları tərəfindən boyanıb. Yaz, dəb və ümumiyyətlə gözəllik mövzularında rənglənən bu səhənglər Port Baku Mall-a gələn bütün qonaqların marağına səbəb olacaq.

Sərgi hər gün saat 10:00-dan 22:00-dək Port Baku Mall-da tamaşaçıların ixtiyarına verilir.

Latest news