Port Baku Mall-da “New Year Village” bayram ab-havası yaratdı

1 dekabr – 5 yanvar tarixlərində Port Baku Mall-da keçirilən “New Year Village” layihəsi ziyarətçilərə Yeni il mövsümünün xüsusi ab-havasını yaşadıb.

PAŞA Malls tərəfindən təşkil olunan “New Year Village” çərçivəsində Port Baku Mall bayram əhval-ruhiyyəsi ilə bəzədilərək ziyarətçilər üçün xüsusi Yeni il məkanına çevrilib. Layihə boyunca musiqi proqramları, əyləncə və müxtəlif fəaliyyətlər, eləcə də Yeni il mövzusunda xüsusi proqramlar ziyarətçilərə xoş və yaddaqalan anlar bəxş edib.

Layihənin ən çox maraq doğuran məqamlarından biri Santa ilə görüşlər və ailələr üçün təşkil olunan əyləncəli proqramlar olub. Böyüklər və uşaqlar üçün nəzərdə tutulan müxtəlif fəaliyyətlər “New Year Village”ı bayram mövsümünün ən rəngarəng məkanlarından birinə çevirib.

“New Year Village” Port Baku Mall-da Yeni il mövsümünü daha canlı, rəngarəng və yaddaqalan edən layihələrdən biri olaraq ziyarətçilərin bayram təcrübəsinə xüsusi rəng qatıb.